Thupi: Pathen Phathei boh (Number 6:24-26)

1. Pakai dei banga chintup (v.24):

Ps sunpa chu chate hi pakaiya kon ahi. Pathen toh kinaisah jing ding tina jong ahi. Kelngoi chingpan akelngoiho ngei le sial, humpi ho a konna ahondoh banga chate hi chintup ding ihiuve.

2. Lunglhai ding (V.25a).

 Ibol theichan bol a, aphat channuva chu lunglhai sella umthei ngai ahi. Kipah tah le thanom tah a khoukhah ding tina ahi.

3. hepina le khotona (V.25b).

Ama chang phat chomna ding, insung lele dinga Pathenin eipeh hilouvin, asempan asemlona tongdoh dinga agon suhmilou ding aphai. Midang dinga thilpha bolnomna langa jong panla jing thei chapa semdoh ding aihiuvin ahi. Pathenin eingaidam jou banguva ngaidam jouna hinkho mansah got ding ahi.

4. Pathen thusah hijing hen (v.26a).

 Nu le pa, pi le pu sanga hiche chapang nei le achunga thunei hi aumna laije tihi suhmilou ding ahi. Gou ching pha thulem kisei banga hi, pathenin achingtup dinga gou eipeh u ahin, iti ichinnuvam aman eivet jingu ahin, ahunvg vil teng gou ching kitahloupa ihinalou diuva, gou chingpa thusah a ahinkho kaihoi jing ding ahi.

5. Chamna (v.26b).

Chamna hi tuni phatnin Penthahna toh kaseimat nomin ahi. Jesu chu chamna leng chapa itiuvin ahi. Chapang hin chamna dihtah anei theina dinga chamna leng chapa chu ahinkho a aneitei ding hi thilkhoh ahi.

Tobang phattheina hin Pathenin Israel te chu kumsomli akholjin jouvuva apeh bou ahi. Hijeh chun tuni hin ichapa chunga phatheina ahung lhunna dinga chunga thugup iseihou hi phate cha ihin jui diu hi ahije. Kum som, somni, som li, somnga changeija mopohna ineijun ahi.