Thouvin lang salvah in (Ish. 60:1-4)

1. Ipi jeh a thouva salvah ding ihiuham ham?
Pathen thupeh ahi. (Ish 60:1, Ps.19:7), Pathen na ahijeh ahi. (Ish 60:2, Ezk. 12:25). Pathen chu vah ahijeh ahi, (Ish 60:1-3; John 8:12. Hinkho eipeh jalluva ahi (Ish 60:6-7).

2. Thouvin lang salvah in ajeh chu eiho dingah vah chu ahungtai. 
Isaiah hin israel te soh a atang diu ahivanga amaho huhhing dinga alengpao hung ding aseina ahi. Tulaija hb mite jousen hiche vah chu hetchenna, kisan cheh angaijin ahi. Thouvin kitihin ipi dinmunna ding ihiuvam tihi kikhol chen dinga eiseipeh gotnu ahi. 

3. Thouvin lang salvah in chutile ivah u chu mutheija um ding ahi. Salvah kitihin missionary natoh aseina ahi. Missionary natoh hi lampi chom chom a tohtheijin aumin ahi. Taona, sapphong, in le lou dalha a pathen natoh, sum le thil a missionary kithopi adang dangho seithei ahi. 

4. Israel te chun avah uchu amaho lele ding hilouva midang jouse henga jong avahsah diuvin Isaiah in tiemna aneijin ahi.
 Hiche in avetsah chu Pathen natoh hi eima houbung lele sunga toh ding hilouvin midang toh, mun chom chomma jatchoplop lah a jong toh thei ahidan akimun ahi. 

5. Thouvin lang salvah in chutile vah in ipi ahinpoh am namuthei diu ahi.

 Hiche in aseidoh nom hi vah in ahinpoh chu ipi pi ham? ti ahi. Vah in ahin poh chu kipahna, lungmonna, tonsot hinna, kipahna thupha ahi. Hiche ho chantheina dingin thouva isalvah u angaijin ahi.

Thuchaina
Tunin keile nangjong ipi dinmunna idinam kikhol thei ahi. Muthim lah a iumle vah chu imutheilou ding ahi. Thouva ivah u chu mijouse mutheija koidinga eitiemu ahi. Eiho dinga ivah u chu itahsan naotoh vetkah thei ahi. Pathen itahsan naohi detnam, kilong dehduh am, miho dinga kingai theina tahsan hinam? Kei le nangin itahsan jalla midang hon jong hiche tahsanna chu akisan diu hi thupin eihil nomu ahi. Amen.

Comments

Post a Comment

Popular posts from this blog

THINA HI AJONA AHIPOI (Gen. 23:1-4; Matt. 5:4) Thumakai: Thina kitihi athipa/athinu dinga Galjona ahi kitijongle adam nalaiho dingin thina hi ajona ahipoi. Tuni a I-Insunguvah inu le ipaovin eidalhah uhi kumlhingset nung sanga eidalhah u ahijeh in, khatvei dinga khang kikhelna le khangthah kipatkitna nikho ahitai, adeh a insung mite dingin. Hijeh chun tuni phatna igel khom diule ikidoh nomu chu thina kitihi ajona himong nam? Adamnalai ho dinga imopohna umam? tihi ikidoh nomule iseidoh nomu ahi.  1. PULDOU DING IHIUVE Sarah athi chun Abraham in a pul adouvin ahi. Lazarus a thi chun Mary in apul ana douvin ahi. Bible hin thina jeh a puldou veltampi akimun ahi. Abang nisagi, hapta khat, lhasagi, kum khat geijin pulthoh anaumin ahi. Jew te dingin puldou hi chena lhongpi khat ana hin chule mihem jousen thina chunga puldou hi akinei cheh in ahi. Ahin Jesun Matt 5: 4 na a chun pulthoh a lhase ho anunom ahiuve ajeh chu amaho lungmonga umdiu ahi ati. Tuni a inu le ipa vin eidalhahu...
Read more
THUPI: NA INSUNG DAM HINAM 2Kings 4:26; Ish 38:1 Pathenin houbung, school le government um masangin eden hon munna insung anasem tan ahi. Tulaihin inhoi, inpha neidohna din habol in akiki bollin, hinlah insung kitipa hi gelkhohna alhom tai kitile kisei khielou maithei ahi.  Khangthah atamjon insung kiti hi gena, von kikhelna, kinahna le umjapna dingin bou gel atam tan ahi. Miching kon khatnin Insung kitihi leiset chunga university phapen le athupipen ahi atiji paohi umdoh theilou bangin akimujin ahi.   1. MI PA LE MINU NADAM LHON HINAM?: (Vs. 26a). Pathen thun eidoh nom masah pennu chu minu mipa nadam hinam? Insunga amopo teni nadam lhon hinam? Insunga hi minu le mipa um masa ahijeh in minu le mipa hi tahsa (physically), lhagao (Spiritually), lungthim (psychologically), lungel (mentally), le jalhang (Socially) a a-dam lhon ding athupi in ahi. Ipijeh a houbung, society kitup jilou ham itile insung kituplou tamjeh hithei ahi. Russia le Chinese scholar hon ...
Read more