HONGPHALTAH A PATHEN INSAHNA DINGA NEITO (1 CHRONICLE 29:1-19), 

 07th April 2019 (Sunday), 12:00 noon

Tunihin Pathen dinga neitona a lhagao lamma phatchomna theiho iseidiuvin kadeijin ahi

Tu sun phat hin Bible in ipipen chun eithanopsah uva Pathen houin sahna dinga chu thanomtah a pan ilah thei diu tihi iseikhom diu ahi. 

1. PATHEN INSAHNA DINGA APHAPENPEN TO DING AHI (1-5)
Hiche bible chang sunghin David nin a insah ding chu in mai mai ahilou ding danle thiltampi alut ding dan aseidoh in ahi. A insah hoikeicha jo angaikhohdan jong aseidoh in ahi. Leng inpi banga thupi a asah ding dan aseije, ahinlah hiche in chu Leng in maimai hilouva Lengho jouse sanga Leng Pathen in ahiding dan jong asei akimun ahi. 

2.  PATHEN INSAHNA DINGA THILTO HI KIPAHNA LE HAMPHATNA AHI (6-9)

Hiche changa hin Davidnin mipite Pathen houin sahna dinga panla dinga tiemna aneijouva mipin kipahtah a pan ahinlah dannu akimun ahi. Eihovang budget le toding akisei teng, atamtave, keiho a chu suhlhom jepmuvo, tihi akihajah nomjin ahi. Hiche Bible a vanghin ivetle apetamho jong aphunpouvin, athasedeh pouvin hiche sang chun hongphal tah a apehjehun kipahnan adimjouvin ahi.

3. THILJOUSE HUNGKON DOHNA LE ANEI PATHEN AHI (10-16)

Hichemun hin nangma chu genthei, ahao, natong, natonglou, simlai, asimlailou hijongle chun hiche Bible changhin nangma jong ahopthaso in ahi. Nahinkho ahin, nathil lelo hojouse chu Pathenna konna ahi aphochenin ahi. Nangma chu achingtup maimai bou nahi. Hijeh chun chang 10-13 sunga David taona hi ivetle ihina jouse, ineijouse, ipeh theina jouse hi Pathenna konna ahi aseidoh in ahi. Chang 14-16 sunghi vekitleuhen ithil pehho chunga kiletsah thei ihiloudannu akimudoh in ahi ajeh chu ipeh jouseu chu Ama a konna ahidan eihillun ahi. 

Ajonan Pathenin achapa changkhatseh eihojouse dingin ahinpe hi, eihon ama ilethuh jouna diu aumpon amavang alengam natohna, akinbolna a ihinkhouva, isumho ito hohi ama dinga ikipahnao ivetsahnao ahijeh in thanom tah a panlah ding ahi. Thilpeh kiti hi Evangelise ibol nao ahin, mite Pathen hengah ihin puilutnao lampi khat ahin, miho Jesu nungjui dinga seijuija isem khomnao lhagao an kivahkhomna dokhang ahi. Bible chun thumun chutile nakipeh diu ahi ati. Pathen hi Pathen pha ahijeh in ipehnom channuva aman jong phathei eiboh nom jing diu ahi. Kei le nang ipankhom jalla hi Pathen lengam kehletna um ding ahi. Pathen chu aneipa ahin, Eipediu ahin, chule imajouse hi ama thuthu noija um ahi. Amen

Comments

Post a Comment

Popular posts from this blog

THINA HI AJONA AHIPOI (Gen. 23:1-4; Matt. 5:4) Thumakai: Thina kitihi athipa/athinu dinga Galjona ahi kitijongle adam nalaiho dingin thina hi ajona ahipoi. Tuni a I-Insunguvah inu le ipaovin eidalhah uhi kumlhingset nung sanga eidalhah u ahijeh in, khatvei dinga khang kikhelna le khangthah kipatkitna nikho ahitai, adeh a insung mite dingin. Hijeh chun tuni phatna igel khom diule ikidoh nomu chu thina kitihi ajona himong nam? Adamnalai ho dinga imopohna umam? tihi ikidoh nomule iseidoh nomu ahi.  1. PULDOU DING IHIUVE Sarah athi chun Abraham in a pul adouvin ahi. Lazarus a thi chun Mary in apul ana douvin ahi. Bible hin thina jeh a puldou veltampi akimun ahi. Abang nisagi, hapta khat, lhasagi, kum khat geijin pulthoh anaumin ahi. Jew te dingin puldou hi chena lhongpi khat ana hin chule mihem jousen thina chunga puldou hi akinei cheh in ahi. Ahin Jesun Matt 5: 4 na a chun pulthoh a lhase ho anunom ahiuve ajeh chu amaho lungmonga umdiu ahi ati. Tuni a inu le ipa vin eidalhahu...
Read more
THUPI: NA INSUNG DAM HINAM 2Kings 4:26; Ish 38:1 Pathenin houbung, school le government um masangin eden hon munna insung anasem tan ahi. Tulaihin inhoi, inpha neidohna din habol in akiki bollin, hinlah insung kitipa hi gelkhohna alhom tai kitile kisei khielou maithei ahi.  Khangthah atamjon insung kiti hi gena, von kikhelna, kinahna le umjapna dingin bou gel atam tan ahi. Miching kon khatnin Insung kitihi leiset chunga university phapen le athupipen ahi atiji paohi umdoh theilou bangin akimujin ahi.   1. MI PA LE MINU NADAM LHON HINAM?: (Vs. 26a). Pathen thun eidoh nom masah pennu chu minu mipa nadam hinam? Insunga amopo teni nadam lhon hinam? Insunga hi minu le mipa um masa ahijeh in minu le mipa hi tahsa (physically), lhagao (Spiritually), lungthim (psychologically), lungel (mentally), le jalhang (Socially) a a-dam lhon ding athupi in ahi. Ipijeh a houbung, society kitup jilou ham itile insung kituplou tamjeh hithei ahi. Russia le Chinese scholar hon ...
Read more