ACTS CHAPTER-6

Acts bung khatna kon chun, houbung kipum khat le kitoh tah a pan alah khom u, thilmah kidang abol u, thilpeh langa apontho dannu chule nikho le phat tinna hobung member apuntul tul jeng dan ihin muvin ahi. Hobung chu pamma konna suhgen theijin aumin, hinlah atahsan naojallin kipum khatah in apang jingun ahi. Hinlah bung gup ihunglut naova hin thilchom beh, thil thah, khang chombeh hb sungin ahunglut akimun ahi. Hichu hobung sunga atahsan ho kikah a boina ahi. Hb akhantouna dinga dan thah, kivaihomna thah, lampi thah jot ding ahung umdan akimun hiche keu hilouva aban banna hb khantouna dinga kikhelna ahung umdan ihin mupeh diu ahi. Houbung achamkim lou avesah in, Jesu Christa ahungni channa achamkimlou ding dan avetsah in ahi. Hb lamkai li hi conference khatna apang khom un- akhatna judon-gambling-tax pejilou- miseise hat.

Vs.1 Niseh a thil kihomna ameithaiteu adonlou jeh un Hebraiho chungah le greek gam judoho chungah APHUNTAOVE.

Houbung sungah jat chom chom ahung umkhom naova hin amaho kah a boina ahung umtan ahi. Greek-pao tho Christian hole Hebrew-pao tho Christian ho kah ahi. Greek-pao tho Christian ho chun amaho sunga meithaiho chu adihlouva kibolna aume atiu ahi. Hiche a adihloupen chu Greek-pao tho hohin thil kibol apom theilouvu chu haseija seija a meithaihou chu adih chansah ding atiu ahin hinlah hichun amaho kah a kinahna asodoh jotan ahi. Hb sunga hin tobanga kinel nomna jong aumda jipon ahi, hinlah tobang lungel hin kikaivopna lhangpi asuse jin ahi. Hb tohgon na noija chu lungel chom chom hung umthei ahi, ahin hichu tohgon tohdohna dinga man ahile apha ahin, amavang kimit thipna le kinnahna aso le adihlou ahi. MEITHAI ho hi hiche phatlaija chu ahahsa le amimo penna anaum ahiuve. Amaho hi society in gelkhohna le kithopina hi hoitah a anabol jiu hidan ahi. Tobanga hi hobung masaho jong hin Meithai ho gelkhohna jalla hiche thil kihopna jong hi anabol jiu hidan ahi. Tulaijin meithai hi mijousen ichanhamin munemna aneinom in ahi. Jat konkhat dingin meithai khat chun ajipa gou alosah jipouvin chule konkhat chun ajipa thina jong amahojeh ahitin angoh jiuvin ahi (SATI).

Vs. 2. Chuin somleni chun seijui mipi chu akouvun, keihon Pathen thu pailhah a anneh thulam jeng ngaito chu akijenpoi. 

Meithaiho thil kihopna mun boina asohjeh hin seijuiho hin tohgon ahin neitaovin ahi. Amaho chamtah a thulhuhna sem jeng louvin houbung mite chu akoukhomun ahoulimpiuvin, koitobang pang thei ding ham tichu seikhomna le gelkhomna aneijun ahi. Seijuite chu kipahna thupha lhangsam dinga tohna kipe ahiuvin hiche natoh jong chule tohdoh ngaikhoh kitna agel thupi jeh un midang hiche tohmun tongding chun alhengun ahi. Hb sunga hin member jousen mopohna le tohding ineicheh dannu eihilnomun ahi. Lamkai dingin jong tohding atam in, lamkaija kikoulou nahi jongle toh ding tamtah aume ti mudoh thei ahi.

Vs. 3. Lhagao le chihna dim mia nahettohsau sagi lhengdoh-uvin; 

(Act 6:3)Tobang boina chunga na hin tong ding alhenna diuva hin seijui ten athuhi thupitah in alaovin ahi. Anatong dingho hina aholnaova konna chu mudoh thei ahi. Akhatna in lhagaova dimset mi hidiu, anina in chihna neimi hidiu ti ahi. Mopohna lentah neimi le mipitoh kikah a natong dingho hin tobang hinna hi aneidiu dol ahi. Lamkai ding hi lhagao hinkho lamma pilhing setle tahsa langa chihna neimi hiding angaikhoh dan eihillun ahi.

vs4-5. Hiche changa seijuiten dinmun asemu hi adih tah khat ahi. Amaho chu kipahna thupha lhangsam dia kouna chang ahijeh un Houbung administration na akisuh boiden diu chu adeilouvu ahi, hisanga chu tobang natohna ho chu hb sunga atong theiho alhendohuva atohsah diu chu thilpha a agelu ahi. Hb lamkai adeh a pastor/evangelist/missionary hohin thiljouse abolkop leu atohdiudol pa atohdoh theilou diudan jong akimudoh theijin ahi. Amavang kihop dildel a tohkhom aphatchomdan aseidohjon ahi. 

Vs.6. Solchah hon ataopeh-uvin achunguva khut a-ngamtauve.  (Act 6:6)

Hobunga kilamkaina akiti teng lhagao lamma kilamkaina aseina ahijeh in, houbung le alamkai hohin moh thu a gelouva natoh thupitah a lah ding ahidan aseijin ahi. Seijuite chun khohtah a ageljeh un alhendoh hou chu phudetna aneijun, soldohna le achungcheh uva khutngap a taopehna jong aneijjun ahi.

Vs. 7. Hichun Pathen thu achaljah tan, Jerusalema seijuiho mijat ha-punin apungin, Thempu ho lah a tamtah jong tahsan thun anung tauve.  (Act 6:7)

Tobang boina suhtup ahiphatnin houbung chu ahung challin, mijat hapunin apunbe un ahi. Hb ading banga semtup ahiphatnin masanga anadou lamkai lentah tah hole hou lamkai ho jeng jong tahsanna a akibe jing akimun ahi. Kipahna thupha chu achal jing peh in, munjouse, kho sung, khopi geijin alhunge tijong akimun ahi. Tuni chanin jong hiche kipahna thupha chu achal jingin, kei le nangin jong lentah hihih jongle ahetosah ihi jinge ti akimudoh theijin ahi. Hijeh chun nangma chu imacha bollouvin kigel hih in, hoilai ham khatna chu ahetosah ihijinge ti suhmilou ding ahi.

Vs. 9. Hichun akiminvo na banga cham-Ihat miho Houthua kikhopna in kitia konin mi phabep, Cyrene gama, Alexandria, Cilicia le Asia a hung kon ho akipatdoh-un Stephen chu akinelpiu leh,  (Act 6:9) 
Hiche a cham lhat/freedman kitiho hi Jewish mi romte noija sohtang na a konna hung jamdoh a amaho dinga synagogue semdoho ahiuvin ahi.

Vs. 10. Aman chihna le Lhagao thu asei chu anel thei tapouve.  (Act 6:10):  

Seijuiho chun Stephen chu social worker/church administrator dinga aphudetnu ahin, hinlah Stephen chu thusei them tah le Jesu minna martyr changmasapen ahung hitai, amatoh akisoldoh tha holah in Philip jong chu evangelist phatah asohdoh in ahi. Seijuiho chun Stephen chu atil khouvun hb gamma atoh theichan atoh din tha apeuvin ahi, tobang thaneina chu ana pedaleu Hb sunga khangkikhel iseipao hi anaumlou maithei ahi. Tobangma a hi hb lamkaihon member ho chungah mopohna aneijun ahi. Member ho hi hb dinga nalentah atohdohna diuva tilkhouva, hb khangkit changeija adinjouna dinga kimanchahsah angaijin ahi.

Vs. 11. Ama nin Mose le Pathen taitomna thu asei kajauve," tia sei dingin atilseuvin ahi.  (Act 6:11). 

Amaho hin jouthu in Stephen aheh un amateina diuvin Jews council ho hengah tohgon aneijun ahi. Hiche council a alamkai pipu ho hi Sadducees ho ahiuvin, amaho hin Moses danbu (Gen-deut) bou asim u le apom u ahi. Koitobang Moses seise chu mose le Pathen taitom a panga agel u ahi. Chule dan palkeh mat theija akoiju ahi. Hinlah Acts 7 na chu hoitah isimle Stephen thuseina a kon chun ahehnao thu hi jou ahidan akimudoh e, Stephen chun Mose lekhasutna konna Israel te thusim aseilah danjoh akimun ahi.

Vs. 14. Stephen athemonao jeh hi jesu christa chunga themmona anahol nao chutoh kibang ahi. (Matthew 26:59-61). Stephen chu adihlou lang tah Mose dan akhelgo chijeh a hi tobang themmona chang ding ahi atiu ahi.

Thuchaina:

Hb kiti hi aphacham kim aumpoi ti mudoh thei ahi. Houbung akhangtouna dingin akhang le aphatpoh a kivaihomna semphat angaikhoh dan akimun ahi. Hb hin hb sunga agenthei kithopina ngaichaho dinga itcha louhel a kithopina anei angaijin ahi. Hb khangtouna dinga tohna kihop khen hi hb hatna ahi. Itahsan thujalla min adihlouva eiheh jeng jongle thi changeija ngamtah a Christa minna thingam ding ihidiu dol ahi.

1.   Houbung sunga khangkikhel jeh a kivaihomna thah ahunglut ho seijin, aphatchomna le aphatchomlouna jong sei than.

2.   Meithai ho chunga atahsan hon itobang lungput ineijuvam?

3.   Solchah khanga hb ho chun Kipahna thupha lhangsap, taona, atoh a mutheija ahahsaho dinga natohna abol houhi hb sunga mutheija kibol nahet nam? Aloule khat kigel thupi a khat kigel thupilouna umam?