BALANCING YOUR LIFE (1 SAMUEL 1:1ff)

Samuel khatna bung khatna sunghin thutam tah ana kiseidoh in ahi. Hichelah chun tuni hin Elkannah le ajiteni Hannah le Penninah thusim aumin ahi. Amaho thusim a kon hin tulai christian hinkho a Pathen thugil mudoh theiho seikhom u hite. 

1. Jikop nei aphatlou dan eihillun ahi. 

Elkannah in jikop aneijeh in a insungah boina ahung lhunge. Kitepna thah langa jong ivetle jikop nei aphat loudan Jesu le Paul thuhilna akonna mudoh thei ahi. 

2. Deichomnei aphatlou dan amani hinkho akonin akimudoh theiben ahi.

 Elkanah chun Hannah chaneilouva aumjeh a adeichom bol chu ajikhatnu Penninah lungthim asusen, ajiteni kah a kibung khenna aumlo e. hijeh chun deichom kiti hi iji chung hihen, mou chung, chate chunga aumteng phatna sangin boinajoh eilhutpeh theijuve tihi mudoh thei ahi. 

3. Kiphin lunghangto aphatchomlou dan mudoh thei ahi. 

Penninah in Hannah aphin jing hi Christian chonchan dinga dihlou ahi. Hannah hi ajipan adeichom manna Penninah in alethuh dan hi adihlou dan jong mudohbe thei ahi. Christian hinkho a jong khat le khat kiphin to a damlou dehduh a hinkho man sanga kilungto a, chamdel a inchen, houbung le society puikhom hi thilpha ahi.

4. Dinmun hah laitah a Pathen kom belje Hannah hinkho a konin akimutheijin ahi. 

Hannah chu Penninah in phin phin jongle Pakai komma atoh ding dol chu lhadah lou hellin atongjinge. Hannah hin Penninah chunga lunghanga Pathen komma kiphin thei ahin, hinlah aman hisanga chun lunglut tah in adei le angai chu Pathen hengah athumjon ahi. Christian hinkho a jong tobang dinmun hahsa ito teng jongle Pathen kom beljoh ding hi thil thupi ahidan akimudoh theijin ahi.

5. Ilungel phatah a phondoh jiding athupi dan Hannah’in  Eli thempu henga adinmun aphongdoh a kona hi muthei ahi. 

Hannah in ngamtah a alungthim pumpi Eli thempu henga aphondoh jeh in angaichat chu thempu pan apeh danin akimun ahi. Adih igel le, ingaichat hohi lungtheng sella seidoh thei hi thilpha ahi jong akimudoh theijin ahi. Hiche chung chonin Pathen henga idei ingai hi kicheh tah aseidoh thei ngai ahi.

Hiche chunga thu kigol lha ho akonhin achomlamma seidin, Hannah le Penninah hin lam chom chom a tulai Christian te dingin Pathen thugil eiseidohpeh nomuve ti hi akimuchen theijin ahi. Amani hinkho a pansan hinkho a adih le adihlou lhen them ding dan hi eihillun ahi.

Comments

Post a Comment

Popular posts from this blog

THINA HI AJONA AHIPOI (Gen. 23:1-4; Matt. 5:4) Thumakai: Thina kitihi athipa/athinu dinga Galjona ahi kitijongle adam nalaiho dingin thina hi ajona ahipoi. Tuni a I-Insunguvah inu le ipaovin eidalhah uhi kumlhingset nung sanga eidalhah u ahijeh in, khatvei dinga khang kikhelna le khangthah kipatkitna nikho ahitai, adeh a insung mite dingin. Hijeh chun tuni phatna igel khom diule ikidoh nomu chu thina kitihi ajona himong nam? Adamnalai ho dinga imopohna umam? tihi ikidoh nomule iseidoh nomu ahi.  1. PULDOU DING IHIUVE Sarah athi chun Abraham in a pul adouvin ahi. Lazarus a thi chun Mary in apul ana douvin ahi. Bible hin thina jeh a puldou veltampi akimun ahi. Abang nisagi, hapta khat, lhasagi, kum khat geijin pulthoh anaumin ahi. Jew te dingin puldou hi chena lhongpi khat ana hin chule mihem jousen thina chunga puldou hi akinei cheh in ahi. Ahin Jesun Matt 5: 4 na a chun pulthoh a lhase ho anunom ahiuve ajeh chu amaho lungmonga umdiu ahi ati. Tuni a inu le ipa vin eidalhahu...
Read more
THUPI: NA INSUNG DAM HINAM 2Kings 4:26; Ish 38:1 Pathenin houbung, school le government um masangin eden hon munna insung anasem tan ahi. Tulaihin inhoi, inpha neidohna din habol in akiki bollin, hinlah insung kitipa hi gelkhohna alhom tai kitile kisei khielou maithei ahi.  Khangthah atamjon insung kiti hi gena, von kikhelna, kinahna le umjapna dingin bou gel atam tan ahi. Miching kon khatnin Insung kitihi leiset chunga university phapen le athupipen ahi atiji paohi umdoh theilou bangin akimujin ahi.   1. MI PA LE MINU NADAM LHON HINAM?: (Vs. 26a). Pathen thun eidoh nom masah pennu chu minu mipa nadam hinam? Insunga amopo teni nadam lhon hinam? Insunga hi minu le mipa um masa ahijeh in minu le mipa hi tahsa (physically), lhagao (Spiritually), lungthim (psychologically), lungel (mentally), le jalhang (Socially) a a-dam lhon ding athupi in ahi. Ipijeh a houbung, society kitup jilou ham itile insung kituplou tamjeh hithei ahi. Russia le Chinese scholar hon ...
Read more