HOUBUNG SUNGA LHAGAO LAMMA BOINA THEIHO

1. Houbung mite chun houin kineita, kivaihomna, pastor kineita apilhing akihitan bolbe ding aumtapoi ati theiju ahi. Hinlah Pathen houbung theng kivaihomna hi tulele ding ahipon, ahung lhung ding phatho a jong akhangtoh kitoh a kivaihomna chu achaloh jing angai ahi.

2. Hobung mite chu mission impossible natong banga akigel kom’u umthei ahi. Kouna dihtah changlou atamle houbung  vision chu moh hithei ahi. Vision saotah neipumma mipite puihoi ding ahi.

3. Houbung mite lah a kitetna umthei ahi. Houbung sunga khatnin khat kailhah ding lungel anei jing laise a chu lhagao lamma boina um hetjeng ding ahi.

4. Hobung chu sum a alhahsam sotteng lhagao lamma boina asohnom jin ahi. Mipi te dinmun toh kitoh a puihoi ahiloule mipi te chu lhgao lamma lhasam thei ahiuve.

5. Houbung chun kivoppi neilouva achangseh a aumsot behseh teng mipite chu lung leng thei ahiuve. Pathen lengam a natoh khompi ding ineilou teng lhagao lamma boina um thei ahi. 

HOUBUNG SUNGA BOINA HO JOJOU THEINA DINGHO

1. Pathen thu sim le gelkhom jing ding. Pathen thu phatah a sim ding Athu ho eima hinkho a mangchah jing ding ahi.

2. Jalhanga kimanchah khom jiding. Pathen thu chu eima ding keuva koitup jeng ding hilouva, ijet iveija boina le hahsatna neiho komma manchah ji ding ahi. Pathen kahe ti a atonglou chu Pathen he akiti theipoi. Mikhatpan tuijap dan asim asim a tuila jap khalou kiti tobang ahi.

3. Houbung hi japi a ahijeh in, mipite kah a chu kihutona aum jing angaijin ahi.

4. Vision vetphatna le semphatna aum angaijin ahi. Leiset dinmun kikhel jing banga houbung kivaihomna ho chu seminar, workshop, meeting ho a vetphatna semphat kitji ngai ahi.

5. Hobung khohsahna neiho manchah ding. Japi jouse chu thanomlou maithei ahijeh in athanom manchah theiho chu phate cha manchah ding ahi.

6. Bidoi kicheh neiding. Japin akipatna le alhunna ding ahetchet nadiuva jem kicheh chepi angaijin ahi.