INTER-FAITH MARRIAGE (2 COR 6:14)

 1st CYE TRIBON ONLINE ZOOM BIBLE STUDY

INTER-FAITH MARRIAGE (2 COR 6:14)

MEANING: Inter-faith marriage akiti teng Christian khatnin Christian lou khat toh aki chen teng inter-faith marriage kiti ahi. Tuni a isei nom u hi Pathen lekhabu theng in tahsan dang toh Christian numei/pasal kichen ding hi iti eihil uvam ti hi ahi penin ahi. Tahsan dang toh kichen thu hi thil thah behseh ahipoi, chule Christian te lah lele a boina hilou, tahsan chom chom hon jong boina khatna aneiju ahi. Bible injong Samson le Solomon chun tahsan chom chanu ji in ana neilhonin ahi.

PROBLEM: Tuni a hiche topic hung kigon lona hi eiho lah/society a jong a-um jeh le nungah golhang tobang boina a ohden le insunga minu mipa boina khat ahijeh hiding tahsan aumin ahi. Hinlah koima oima val ding le themmo sah val ding aumpoi. Ajeh chu ichen nao huinun, houbunga kihilna lhom jeh, natohna jeh, lekha sim jeh, nopsahna holjeh, genthei jeh a city a natohna ding hol a che jeh, social media hatjeh ho hi ahipenin ahi. Aboina seibe thei ho chu, .1. Tahsan kibang lou tahsan chom chom ni cheng khom ahitai. 2. Insunga nu le pa dinga lung lhaithei louna aum jingin ahi. 3. Custom culture neite ihiuvin, hinlah tobang kichena ho ahin custom culture akimang cha thei behsehpon ahi.

INDIA SCENARIO: India sunga survey abol naova chun mihem kum 15-49 year sung jinei ho lah a hin 2.21 percent ho hin ama hou hilou hou dangtoh akichengun ahi atiuve. Hiche 2.21 percent lah a hin Christian ho atampenun ahi akitin ahi. Chule mithem hon asei naovah tobanga kicheng ho hi, akicheng alhomin aumkhom atamjo ahiuve ativin ahi. Atamjo hi nu le pa jahda sasa kichenga hinkho lhunga suhmil theilou kiphona toh cheng khom aumkitnun ahi. Social media ho ivet kitle nungah gol lhang tampin inter-faith marriage hi promote/seiphat abol kitnun ahi. Hijeh chun tobang kichenna hi phatah a kihilna aum loule lhom sanga hung tam bebe nalai ding ahi. Tobang kichen tup mong mong ho chula alona je aumpon, amavang hiche tobanga konna onthol ding dei ho dingin vang kihilna phate cha insung, houbung le society level a um jing angijin ahi.

BIBLICAL DISCOUSE; Kitepna lui langa hin jonthang hoi jatni in akiseijin ahi. 1. Jinei nunga midang toh kitimat, 2. Pagan hou ho toh chonpol che. Hiche in avetsah chu tahsan dangtoh kichen, chonpolche na chu jonthan hoi, chonset na kisim ahi. 1 Corinthian 7:12-16: Paul in tahsan dangtoh ana kichengsa ho chu kikhen sanga phatah a achen khom diu adeijoh danin aseijin ahi. 2 cor 6:14, munin vang Paul in tahsan dangho toh kichen ding aphal loudan kicheh tah in asei kitnin ahi. Hiche a gelthupi ding khat chu Kichenna athen na hi ahi. Themgao Hosea, Jeremiah, Ezekiel le Isaiah in kichen hi hitin aseijun ahi, Pathenin Israel anam lhen tum ati khu A-lhentum maimai hilouva, Pathen toh kichen danin aseijin ahi. Kitepna thah langin jong Houbung chu Jesu dinga mou kipui bangin aseijin ahi. Hijeh chun kichen athenna chu tahsan dang toh iki chen teng um thei jilou ahi.

HUMANISM vs FAITH COMMUNITY: Tobang kichen seiphat habol ho hi atamjo humanism thuhil a konna pansa ji ahiuvin ahi. Amaho chun kichen hi nang leh naji ding kahbou ahin, nang nin boina nanei louva, ahile ima aboina aumpoi. Nang, naji nachate dinga aboiloule ima aphatmona aumpoi, mitampi jong hitin akichengun boina aumpoi atiu ahi.

Akhat langin Faith Community akiti teng tahsan kiloi khomho tina ahi. Hiche thu hil hi thing lhang mite khankho a konna hung kisemdoh tobang ahi. Amaho apansah nao chu tribal family, thinglhang mite chonna le khankho ho a pan saova hiche a konna chu Christian themjil kihil ding atiu ahi. Ajeh chu amahon amudoh u chu tribal community a hin kija na, kingailutna, ahonna nehkhom, toh khom, chekhom, houkhom, chamna, kipah khom le kibahna aumpenne atiu ahi. Adeh in western countries hon hiche approach or methodology hi houbung tampin ajuijun, amang chaovin ahi. Eihon western chonna ho jui ding ikithem chuh laijuva hi amahon jong eiho chonna ho ahinle simkit langu ahikitnin ahi. Faith community approach in chang phatchomna ding aholpon, chang kipahna ding aholpon ahi, ama family lele kiphat theina ding adelpon ahi.

Hijeh chun inter-faith marriage ahin eima chang kiphatsahna, nu le pa, tu le be thu umlou, houbung thu um thei lou, ihen ikom thu umlou tina ahi, hinlah eiho chena lhangpi chu nu le pa phatsah ngai, tu le be phatsah angai, houbungin aphatsah ngai ahi chule eiho ahonna hinkhom, japi kiloikhom ihiuvin, kichenna akiti teng eima lele kiki cheng ahipon, iji te inko to jong kiki cheng tha, insah le lhang, tu le be to jong kiki cheng tha ahi. Hiche chung chonna chu Jesun Houbung amou dinga akichen pi banga ilhagaovu ei pui hoi Jesu to jong kichen tha ihiu vin ahi. Eiho dingin kei le kaji ding lele dingin akhohpoi i-ti-a iki chen teitei le Pathen thu le pu le pa chondan toh kika del ding tina ahi.

JONA: Tobang leiset dinmunna cheng ihijeh un nu le pa nungah gollhang ho dinga thumop nom umho chu.

1. Nu le pa ten jong ichate ji ding chung changa hi kihilna le taona hi manji ding ahi.

2. Nungah golhang ho jong mi pengthah toh bou kichen ding ahi.

3. Vangpal a kicheng kha aum le ipiba kisei ding ham tahsa lhagaova jojou tei ding chu tup thupipen ding ahi.

4. Tobang kichenna chun itahsan asuh chatvai thei ahi suhmilou ding ahi.

5. Survey abol nao khatna chun Christian hija tahsan dang toh kicheng ho hi amin na Christian/nominal Christian ahi nom jiuve atiuve. Hijeh chun tobang kichenna practice bolho chun tahsan kidetlou suhlahna ahin, insung, houbunga kihilna kituplou vetsahna ahi.

6. Taona na ha man jing ding ahi.