IDA CHRISTIAN TE CHUNGA HAHSATNA LHUNG JI AHI DEM?

 13th Jun 2021

SUNDAY SERMON
THUPI: IDA CHRISTIAN TE CHUNGA HAHSATNA LHUNG JI AHI DEM?
BIBLE SIMUN: Rome 8:28
Muvanlai hon buh asah tengule anoilam ah ling le thing hem ho ase masa ji’un, chujoule lumthihthet le nemthihthet a a-noute umna thei dingin vachamul, samul chule hamgop ho akoijiuvin ahi. Hinlah Anoute ahung let uva alen thei ding tengule Muvanlai chun abuh chu athingjal jin ahile a-noi langa ling le thing hem ho chun mu nou ho chu ahin sut teng nop le da umlouvin alengdoh ji taovin ahi.
Leiset chunga hin Mimal, insung le houbung ho ahin gel phah lou le seithei lou boina, lung jingna ahung lhung jin ahi. Kon khat dingin sum le pai ja boina, cha le nao chunga boina, thina le damona, tulaija sei dingin corona virus jeh a lungdon, lung jinna aumin ahi. Hinlah Paul in Rome 8:28 munnah “thil ijakai Pathenin Ama ngailua alunggot bangtah a kikou ho phatna dia na atohkhom ahiuve” ati bangin thilsoh jouse hi ajeh neija soh le muvanlai le a nou te banga hahsatna ho hi pilhin na ding le phathei boh channa joh ding ahi dan tunin eihillun ahi. Asim jouse Pathenin phathei boh cheh tahen.

Comments

Post a Comment

Popular posts from this blog

THINA HI AJONA AHIPOI (Gen. 23:1-4; Matt. 5:4) Thumakai: Thina kitihi athipa/athinu dinga Galjona ahi kitijongle adam nalaiho dingin thina hi ajona ahipoi. Tuni a I-Insunguvah inu le ipaovin eidalhah uhi kumlhingset nung sanga eidalhah u ahijeh in, khatvei dinga khang kikhelna le khangthah kipatkitna nikho ahitai, adeh a insung mite dingin. Hijeh chun tuni phatna igel khom diule ikidoh nomu chu thina kitihi ajona himong nam? Adamnalai ho dinga imopohna umam? tihi ikidoh nomule iseidoh nomu ahi.  1. PULDOU DING IHIUVE Sarah athi chun Abraham in a pul adouvin ahi. Lazarus a thi chun Mary in apul ana douvin ahi. Bible hin thina jeh a puldou veltampi akimun ahi. Abang nisagi, hapta khat, lhasagi, kum khat geijin pulthoh anaumin ahi. Jew te dingin puldou hi chena lhongpi khat ana hin chule mihem jousen thina chunga puldou hi akinei cheh in ahi. Ahin Jesun Matt 5: 4 na a chun pulthoh a lhase ho anunom ahiuve ajeh chu amaho lungmonga umdiu ahi ati. Tuni a inu le ipa vin eidalhahu...
Read more
THUPI: NA INSUNG DAM HINAM 2Kings 4:26; Ish 38:1 Pathenin houbung, school le government um masangin eden hon munna insung anasem tan ahi. Tulaihin inhoi, inpha neidohna din habol in akiki bollin, hinlah insung kitipa hi gelkhohna alhom tai kitile kisei khielou maithei ahi.  Khangthah atamjon insung kiti hi gena, von kikhelna, kinahna le umjapna dingin bou gel atam tan ahi. Miching kon khatnin Insung kitihi leiset chunga university phapen le athupipen ahi atiji paohi umdoh theilou bangin akimujin ahi.   1. MI PA LE MINU NADAM LHON HINAM?: (Vs. 26a). Pathen thun eidoh nom masah pennu chu minu mipa nadam hinam? Insunga amopo teni nadam lhon hinam? Insunga hi minu le mipa um masa ahijeh in minu le mipa hi tahsa (physically), lhagao (Spiritually), lungthim (psychologically), lungel (mentally), le jalhang (Socially) a a-dam lhon ding athupi in ahi. Ipijeh a houbung, society kitup jilou ham itile insung kituplou tamjeh hithei ahi. Russia le Chinese scholar hon ...
Read more