OVERCOMING ADDICTION (JOHN 11:43-44)

 OVERCOMING ADDICTION (JOHN 11:43-44)

I-neh jeh, i-bol jeh, a I-lungel lhasam, ahi ding banga i-gel thei lou teng addict kihi ji ahi. Thil khatna addict i-hi teng, jam san theilou na, kitim joulou na asoh doh jin chule hiche munna chu i-ngol den jeh in ineh, idon, ibol, igel hon aga ahin so doh ding aphat/aphatlou gel thupina umlouvin a-kibol tei tei jeng jin ahi. Addiction nin ahop phabep ho chu Judon, louneh, kuwa, beri, sada, shikhaar, lunghan, thogei, pornography, food habbit, internet, miseiset, tup kicheh nei theilou, ibol ding dol bol nom louna chule adang dangho hithei jinte. Hiche addiction chun tahsa, lungel, lungthim, khohetna, kipahlouna, kideimona, ngoldoh theina, dammo na le thina changei ahin polut theijin ahi.

BIBLE: Addiction kiti hi Kei le Nang dinga I-lhan khuh ahi:*

Bible ivetle addiction kiti hi Pathen taitoma, Pathen dang hou le Pathen kalna a hinkho mang jing ho chu ahi atin ahi. Tuni Bible changa Lazar hinkho a konin addiction a konna galjona lampi addiction iki hil nomun ahi. Lazar dinga athina le a-ui denna ding mun chu alhan khuh ahi. Hinlah Jesun hiche lhan khuh a kon chun Lazar chu akoudoh in ahi. Kei le nang dinga jong i-pai theilou, i-da lhah theilou i-hinkho suse jing thei chu i-lhan khuh ahi. Ju phol mun chu nang dinga na lhan khuh hithei ahi, internet, drug, thaset, khamna thei, jon lung, lung han, papset, seiset, dumchep kiti ho chu i-lhan khuh hithei ahi. Addiction kiti hi mi kidah, mithet, i-ui denna mun lhan khuh hijah ahi. Jesun Lazar chu aum denna a umden lou dingin akoudoh in ahi. Tunin kei le nang jong Jesun addiction i-hina munna konna hungdoh dingin eikou kou jengun ahi. Hiche lhan khuh ho akonna chu i-hungdoh ngai ahi, ijam san ngai ahi. Ajeh chu aphat cha ijamsan loule kile thei ahi.

*NA KITOMNA HO SUT LHAMIN: Abanin Jesun Lazar kitomna ponho asutlhap peh in ahi. Addiction hinkho idalhah teng mihem khat chu kinungle thei kittalou ding tina ahipoi. Lazar kaithouva aum vanga aponsil hon atom nah lai banga chu ilung thim le ingaichatna, idu chatna ho chun eiumpi jing nahlaiju ahi. Amavang ilhan khuh a konna ihungdoh le Jesun ikitom na/ingai chatna ho chu eisut lhap pehuva eidamsah pai pai theiju ahi. Hinlah hichena dinga chun chih thei angaijin ahi.

CHIH THEI NGAI: Mi tampin retreat, Gospel camp, crusade ham a ipanna ihung pengthah teng ahat tah bangin hinkho aki mangin hinlah phat chom khat joule angai ngai ihi ji taovin ahi. Hiche ho chu alhan khuh a konna hungdoh a akihen ohna khao ho sut lhamlou, apha cham kimma kigel, ju phol, lou mun, loi phalou ho lah a jong che a Pathen na gatong pai jeng ahija phat chom khat joule addiction munna umhon ahin nung jo kit jiuva pang sot jilou ho ahiuve. Hijeh a hi i-kisem phat jou teng katheng tai tia ase theilou dinga kigellou ding ahi. Ajeh chu nang apengthah til til nahin addiction munna umho vang chu nang sanga asset nao giljo ahijeh a chu namoh jo lou ding ahi.

Illustration: Michelle kitipa hi drug addiction na konna hung kisem pha til ahin, anu jong prostitute ahi. Michelle ahung peng thah thah chun taona, lasah, houin kai, mission field, a ahat lheh jengin, upa le pastor ho dingin jong jachat le jum jong aum leu jengin ahi. Nikhat chu Michelle in anu prostitute chu pathen thu gahil a gahuhdoh dingin achego tan ahi, pastor pan ahet phatnin Michelle komin chom khat khongai tadin, nang drug nahin dalhahna jong lhaget bou ahina laijin, nachele amaho joh in nahin jollhah kit diu ahi atipeh le Michelle chu anom tapon chetei tei dingin akigel lhatan ahi. Michelle ache in prostitute holah in Pathen thu aseijin, nithum nin ju neocha ahin sun peh ule agah tep jap in, hetman louvin ju ahin dondoh kittan ahi. Michelle chu ahung kile in ahinkho lhum keijin ju adon dentan ahi. Houin akai tapon, ajona in jan leh von beijin alhaile tan ahi. Angol banga aum phatnin louin nah ajennun, chom khat jouva Jail a akoiju le Jail sunga aum laijin jan khat chu bangah alu atat tat nin ajonan athitan ahi. Pastor pa dinga Michelle chu ahoubung mi ahijeh in thanom lou tah in vuina anei tan ahi.

Mihem tamtah jong Michelle banga ihin dalhah u i-lhan khuh lah uva Pathen natong nom ium maitheiju ahi, hinlah ichih theiloule lhahlut kitna naicha ahi. Nang dinga Na phone chu na lhan khuh ahile manda jengin, phone beijin thideh ponnate. Dongma, ju, lungchom adang dang ho na lhan khuh ahille da lha jengin achuti loule Pathenin nasuh theng theilou ding ahi. Pathenin i-ngai chatna eilah mangpeh ding ahi, hinlah eiman i-ngai chat na mun chu i-dalhah ngai ahi. Na hinkho chesa, na addiction na munho a kinungle a na lem galkai kit theilouna dingin na nung langa lei ho chu hal lhan. Na masang langa vang Jesu bou nanei ding ahitai.

KIDELPI LOUVIN JAM SAN JON: Pathen thu 2 Timothy 2:22 chun lungai chatna a konna jammang dingin aseijin ahi. Thilpha lou chu kidelpi dingin Bible in eitem pouvin jamsan joh dingin eitemun ahi. Ajeh chu i-ki delpi le ijo lou maithei ahi, ijam san le vang ijo teitei ding ahi. Michelle jong chun alhan khuh chu kajo jou ding ahi ti-a ajot paile ajou tapon ahi.

JONA: Hoikom ham nalhan khuh chu JAMSAN LOIJIN